愚公移山(上)(1/1)

「余autie，阿功又走去揼石仔呀？」

「系呀，你搵佢有事？」

「冇，想搵佢出去饮杯野啫。」

阿功系我儿时好友，由细到大有机一齐打、有nv一齐g0u。

读完书之後，因为大家都唔系读书材料，所以冇再升读大学。试过一齐搵啲sh鸠课程读、又一齐做过兼职，总之凡事共同进退，咁就hea咗几年。

大约半年前，阿功同佢前nv友去咗转旅行返嚟就分咗手，然後成个人变哂，叫亲佢去玩去饮野都话好攰noshow，好似变咗个毒男咁款。

最初我以为佢只系受唔住感情创伤需要冷静一下都冇烦佢，但冇几耐之後觉得佢越来越唔对路，我终於忍唔住要问清楚佢。

以我同佢嘅交情，都要从佢老母口中先知道佢最近ga0紧乜，个心当时真系好悒，但当伯母话我知佢走咗去做地盘，仲要搏哂命日日连做十几个钟，我心中嗰份困惑同好奇已经盖过哂其他情绪，佢究竟发生乜事。

因为佢前nv友b压力佢？但佢哋都分咗手啦，仲咁搏为乜？唔通想搵多啲钱追返佢？抑或佢b啲韩剧嘅分手浪漫主义影响咗条三叉神经所以shot咗？但据我所知佢同条nv一齐都唔会陪佢睇韩剧，同埋佢讲过觉得呢条nv并唔系真命天nv，锺意极有限。

咁究竟系咩解究？

唔通，佢欠咗好多卡数？

一个人就算几搏命，都冇可能一星期做足七日，我决定喺佢休息嗰日搵机会问清楚佢。

嗰日佢冇再拒绝我嘅邀约，我哋一齐去返之前经常饮嘢嗰间bar倾计，我同佢讲野唔驶转弯抹角，一开波就入正题：

「你呢排究竟ga0咩呀？成个人变哂咁嘅，分手真系咁hurt咩？」

「你觉得我真系会为咗阿欣而改变？」阿功笑住咁答。

「就系觉得唔会先奇怪罗。」

「其实唔关阿欣事，我哋去旅行之前已经相处得唔好，分手系迟早嘅事。」

「咁究竟发生咩事？」

突然间，阿功个表情变得好严肃，好似《无间道》入面刘华喺天台啤住伟仔嗰阵咁：「韩，你有冇谂过咩叫成功？」

「咩料呀大佬？el转得咁快真系接你唔住喎

本章已阅读完毕(请点击下一章继续阅读!)